«ضحيت بيها في سبيل الحياة التانية».. بدء محاكمة المضيفة التونسية المتهمة بقتل ابنتها في التجمع

تستمع محكمة جنايات القاهرة، المنعقدة بمجمع التجمع الخامس،

برئاسة المستشار وجيه حمدي شقوير، اليوم الاثنين، لمرافعة دفاع

المتهمة بقتل ابنتها في شقتها بالتجمع الخامس.

كانت النيابة العامة أحالت المتهمة إلى محكمة الجنايات بعد أن وجهت

لها تهمة القتل في هذه القضية برقم 12146 جنايات التجمع الأول

والمقيدة برقم 1070 لسنة 2023 كلي القاهرة الجديدة.

واعترفت المتهمة بارتكاب الجريمة أمام جهات التحقيق بأنها أنهت

حياة ابنتها لأن «الأوامر الإلهية جاتلى كده» وقالت «يوم الجريمة

تشاجرت مع زوجى وكان نايم بره في الريسيبشن، لأنى طلعته

بره الأوضة وقلتله عاوزة هدوء عشان حان وقتى للذهاب إلى السماء،

وبعدها حدثت مشادة بيننا وأكدت له إنى بمجرد نومى هابقى كويسة».

وأضافت المتهمة في التحقيقات أنه «يوم الواقعة كان هناك شرط

لصعودى إلى الرفيق الأعلى وهو إنى آخد بنتى معايا مسبهاش

مع باباها، وكان لازم أضحّى بيها في الدنيا في سبيل إنها تعيش الحياة الثانية اللى أنا رايحالها».

واستكملت المتهمة: «لقيت شنطتى في الأوضة فقررت إنى

أقصّ الحزام بتاعها وروحت خانقة البنت بيه، وهى ماتت بشكل

هادئ، وكان معايا سكينة صغيرة جبتها من المطبخ ضربت بيها

نفسى في رقبتى كذا ضربة، وبعدها زوجى حاول ينقذنى، وأغمى علىّ وفوقت وأنا في المستشفى».